Saga fyrirtækisins

Kristján G. Gíslason stofnaði fyrirtækið árið 1941. Kristján fæddist í Edinborg í Skotlandi 5.3. 1909 en ólst upp í Reykjavík. Hann var sonur Garðars Gíslasonar stórkaupmanns í Reykjavík. Að loknu stúdentsprófi stundaði Kristján nám í verslunarháskóla í Berlín. Hann hóf störf í fyrirtæki föður síns í Reykjavík 1930 en árið 1941 stofnaði hann eigið fyrirtæki, Kristján G. Gíslason hf., og starfaði við það síðan.

Fyrirtækið var lengst af til húsa á Hverfisgötu 4-6. Versunin hefur flutt inn flest milli himins og jarðar, t.d. tölur og hnappa, vélar og raforkuver, björgunarbáta og fiskiskip. Lengi vel var fatnaður aðal vörutegundin. Fyrirtækið var í eigu sömu fjölskyldunnar þangað til núverandi eigendur eignuðust það árið 2019.

Chemours samstarfsaðilar

Dupont þróaði kælimiðla í kringum 1920 sem urðu grunnurinn að öllum helstu kælimiðlum eins og við þekkjum þá. Árið 2015 fyrirtækinu skipt upp og kælimiðlar voru fluttir í fyrirtækið Chemours. KGG er viðurkenndur Chemours samstarfsaðili á Íslandi.

Við elskum ammoníak

Ammoníak er einn stærsti kælimiðill sem notaður er á Íslandi. KGG flytur inn ammoníak frá Þýskalandi frá stærsta þarlenda framleiðanda. Ammoníak (NH₃) er náttúrulegur kælimiðill sem er umhverfisvænn og hagkvæmur fyrir stór iðnaðarkerfi.