Loft-í-vatn

Loft-í-vatn varmadæla tengist ofna- eða gólfhitakerfi hússins og hitar bæði húsið og neysluvatnið. Hún hentar þar sem hitaveitu nýtur ekki við eða þar sem rafhitun er dýr, og skilar margfalt meiri varma en sem nemur rafmagninu sem hún notar. KGG heildverslun býður Nordis varmadælur í tveimur útfærslum: mónoblock-kerfi, þar sem allur kælibúnaðurinn er í útieiningunni og aðeins vatnslagnir liggja inn, og split-kerfi með innieiningu sem oft er sameinuð neysluvatnstanki. Við höfum flutt inn og þjónustað kæli- og varmatækni frá 1941 og veitum ráðgjöf um stærð og uppsetningu. Komdu við á Smiðjuvegi 4a í Kópavogi eða hafðu samband.