Opteon™ YF (R-1234yf) er HFO-kælimiðill með GWP 4.
R-1234yf leysir R-134a af hólmi með nánast engu hnattrænu hlýnunarmætti — efnið brotnar niður í andrúmslofti á um 11 dögum. Það er staðalkælimiðill í öllum nýjum bílum á evrópska markaðnum og fer vaxandi í kæliborðum, vatnskælum og varmadælum með háum framrásarhita. Flokkað A2L — lítillega eldfimt — og krefst loftræsts vinnusvæðis og A2L-vottaðs lekaleitartækis. 5 kg kúturinn hentar bílaverkstæðum og minni áfyllingum; fyrir meiri notkun er 10 kg kúturinn hagkvæmari.
Tæknilegar upplýsingar
- Kælimiðill: R-1234yf — Chemours Opteon™ YF
- Umbúðir: 5 kg kútur með vökvaupptöku
- GWP (AR4): 4
- Öryggisflokkur: A2L — lítillega eldfimt, lítil eiturhrif
- Kemur í stað: R-134a
- Smurolía: POE / PAG eftir kerfi
- Notkun: Bílakæling, kæliborð, vatnskælar, varmadælur
- Fylling: Hreint efni í reynd — ekkert hitasvið
Chemours á Íslandi
Kristján Gíslason ehf. er dreifingaraðili Chemours kælimiðla á Íslandi. Við flytjum inn beint frá framleiðanda og eigum Opteon™ og Freon™ kælimiðla á lager í Reykjavík — kúta, flöskur og bamba. Vörurnar koma með upprunavottorði framleiðanda og eru rekjanlegar í gegnum lotunúmer.
F-gas reglur og afhending
Sala á flúoruðum gróðurhúsalofttegundum er háð reglugerð. Kaupandi þarf að hafa gilt F-gas réttindaskírteini eða vera fyrirtæki með starfsmann sem hefur það. Við skráum sölu í samræmi við kröfur og ráðleggjum um meðhöndlun og skil á notuðum kælimiðli.
Umbúðagjald og mengunargjald leggst ofan á verð kælimiðils samkvæmt gildandi gjaldskrá. Hafðu samband fyrir verð og afhendingu: kgg@kgg.is — sími 55-20000.