Danfoss SFA 15 í stað Herl T21 – breytingarhlutir

Sérpöntun: Varan er sérpöntuð og ekki geymd á lager hjá KGG. Hafðu samband í síma 55-20000 eða sendu fyrirspurn og við gefum þér verð og afhendingartíma.

Danfoss SFA 15 í stað Herl T21 – breytingarhlutir

Eru eldri Herl T21 öryggislokar enn í kerfinu? Nú er hægt að skipta þeim út fyrir Danfoss SFA 15 án þess að skipta um allt ventlastæðið. Danfoss hefur hannað millistykki sem passar í T19 skiptilokann, og flutningsgeta SFA 15 er nánast sú sama og T21. Stóri kosturinn er að varahlutir í SFA 15 eru fáanlegir.

Eiginleikar

• Millistykki ½”–¾” sem passar í núverandi T19 ventlastæði
• Flutningsgeta R717 við 20 bar: T21 1.504 kg/klst, SFA 15 1.492 kg/klst
• Munur á flutningsgetu undir 1%
• Báðir lokar með G 1” útblæstri
• Álpakkningar fyrir inntak og útblástur fáanlegar

Lýsing

Hvað breytist?

Með millistykkinu hækkar lokinn um 30 mm. Þar sem bæði T21 og SFA 15 eru með G 1” útblæstri þarf aðeins að aðlaga hæð útblásturslagnarinnar.

Hvað þarf að panta?

Fyrir hvern loka þarf millistykki, álpakkningu ½” á T19 úttak, álpakkningu ¾” á inntak SFA 15, álpakkningu 1” á útblástur SFA 15 og SFA 15 öryggisloka með réttum stilliþrýstingi. Láttu okkur vita hversu margir lokar eru í kerfinu og við tökum saman pöntunina.

Notkun og svið

Breytingin hentar ammoníakkerfum þar sem Herl T21 öryggislokar sitja enn í T19 skiptilokum, en þannig kerfi eru víða í frystihúsum, fiskvinnslum og kæligeymslum. Val á stilliþrýstingi á alltaf að byggja á hönnunarþrýstingi viðkomandi hylkis.

Stærðir og gerðir

Tæknigögn

Skrár

• Tækniblað framleiðanda (PDF)
• Vörusíða framleiðanda