Danfoss SVL Flexline lokahús – vinkilútgáfa

Sérpöntun: Við pöntum þessa vöru sérstaklega fyrir hverja pöntun. Hún er ekki lagervara. Sendu fyrirspurn eða hringdu í 55-20000 og þú færð verð og afhendingartíma.

Danfoss SVL Flexline lokahús – vinkilútgáfa

Með SVL Flexline lokahúsi er grunnurinn soðinn inn í lögnina einu sinni og svo ræður þú hvaða hlutverki hann gegnir. Ofan á húsið er boltuð virknieining, hvort sem þarf lokunarloka, stilliloka, bakloka eða síu, og ef þarfirnar breytast er einfaldlega skipt um efri hlutann án þess að suða. Vinkilútgáfan hentar þar sem inntak og úttak lokans eiga að mætast í horni.

Eiginleikar

• Eitt hús fyrir margar virknieiningar: SVA-S/SVA-L, REG-SA/REG-SB, SCA-X, CHV-X og FIA
• Hámarksvinnuþrýstingur 52 bar, einnig til í 65 bar útgáfu
• Hitasvið −60 til +150 °C
• Lokahús úr sérstöku kuldaþolnu stáli
• Flæði í báðar áttir
• Stærðir frá DN 15 upp í DN 125

Lýsing

Ný virkni án suðu

Til að breyta lokunarloka í t.d. stilliloka, bakloka eða síu þarf aðeins að skipta um heilan efri hluta. Húsið situr áfram í lögninni og kerfið er fljótt komið aftur í gang. Athugið að REG-stillilokar passa í hús upp að DN 65.

Tenging og þrýstiflokkur

Húsin fást með suðutengingu samkvæmt DIN (EN 10220), ANSI eða GOST, múffusuðu (ANSI B 16.11), NPT-skrúfgangi eða JIS, eftir stærð. Pöntunarnúmer Danfoss fer eftir tengingu og þrýstiflokki, til dæmis 148B5252 fyrir DN 15 með DIN-suðutengingu í 52 bar. Segðu okkur hvaða tengingu kerfið þitt notar og við finnum rétta númerið.

Notkun og svið

SVL Flexline lokahús eru notuð í iðnaðarkælikerfum með ammoníaki (R717) og CO2, til dæmis í frystihúsum, fiskvinnslum, kæligeymslum og sláturhúsum. Þau henta sérstaklega vel þar sem gott er að geta breytt virkni lokans síðar og samræmt varahluti í öllu kerfinu.

Stærðir og gerðir

Tæknigögn

Skrár

• Tækniblað framleiðanda (PDF)
• Vörusíða framleiðanda