R-32 (diflúormetan) er ríkjandi kælimiðill í varmadælum og loftkælitækjum í dag og leysti R-410A af hólmi.
R-32 er hreint efni en ekki blanda, sem þýðir að ekkert hitasvið (glide) myndast og hægt er að fylla á bæði á gas- og vökvaformi og bæta á kerfi án þess að tæma það. GWP er 675 — um þriðjungur af R-410A sem það leysir af hólmi — og kælimiðilsmagnið er um 20% minna fyrir sömu afköst. Nýtni er hærri, sem skilar sér beint í SCOP-gildi varmadælunnar. R-32 er flokkað A2L: lítillega eldfimt. Það krefst ekki sérstakra tækja við venjulega þjónustu en lekaleit og loftræsting rýmis þarf að vera í lagi.
Tæknilegar upplýsingar
- Kælimiðill: R-32 — diflúormetan (hreint efni)
- Umbúðir: 10 kg einnota kútur
- GWP (AR4): 675
- Öryggisflokkur: A2L — lítillega eldfimt, lítil eiturhrif
- Kemur í stað: R-410A
- Smurolía: POE (pólýólester)
- Notkun: Varmadælur loft í loft og loft í vatn, loftkæling, splitkerfi
- Fylling: Má fylla á gas- eða vökvaformi — ekkert hitasvið
Flest varmadælutæki og loftkælitæki á markaði í dag keyra á R-32. Í nýjustu tækjunum er R-290 (própan) að taka við — GWP 3 í stað 675. Athugaðu alltaf merkiplötu tækisins áður en fyllt er á; R-32 og R-290 eru ekki innbyrðis skiptanleg.
Chemours á Íslandi
Kristján Gíslason ehf. er dreifingaraðili Chemours kælimiðla á Íslandi. Við flytjum inn beint frá framleiðanda og eigum Opteon™ og Freon™ kælimiðla á lager í Reykjavík — kúta, flöskur og bamba. Vörurnar koma með upprunavottorði framleiðanda og eru rekjanlegar í gegnum lotunúmer.
F-gas reglur og afhending
Sala á flúoruðum gróðurhúsalofttegundum er háð reglugerð. Kaupandi þarf að hafa gilt F-gas réttindaskírteini eða vera fyrirtæki með starfsmann sem hefur það. Við skráum sölu í samræmi við kröfur og ráðleggjum um meðhöndlun og skil á notuðum kælimiðli.
Umbúðagjald og mengunargjald leggst ofan á verð kælimiðils samkvæmt gildandi gjaldskrá. Hafðu samband fyrir verð og afhendingu: kgg@kgg.is — sími 55-20000.